सम्यग्विभूतिवरवाहनछत्रयानं
क्षेमप्रतापबलवीर्यसुखानि तस्य ।
मिष्टान्नपानशयनासनभोजनानि
चन्द्रो ददाति धनकाञ्चनभूमिलाभम् ॥१॥
चन्द्रमध्ये चन्द्रान्तर्दशा ।
चन्द्रान्तः स्त्रीसुतं लाभं वस्त्राभरणसंयुतम् ।
स्वपक्षगैश्च कल्याणमात्मनिद्रारतिर्भवेत् ॥२॥
चन्द्रमध्ये भौमान्तर्दशा ।
अग्निपित्तकृता पीडा अग्निचोरपदच्युतिः ।
भवत्यन्तर्दशायां च चन्द्रे भौमो गतो भवेत् ॥३॥
चन्द्रमध्ये राहोरन्तर्दशाफलम् ।
रिपुरोगाग्निरुद्वेगं बन्धुनाशं धनक्षयम् ।
न किंचित्सुखमाप्नोति चन्द्रे राहुर्यदानुगः ॥४॥
चन्द्रमध्ये गुरोरन्तर्दशाफलम् ।
धर्माधर्माप्तिसौख्यानि वस्त्रालङ्करणैर्जयः ।
प्राप्नोत्यन्तर्दशायां हि चन्द्रस्यैव गुरुर्यदा ॥५॥
चन्द्रमध्ये शन्यन्तर्दशाफलम् ।
बन्धुद्वेगं शोकभयं हानिव्यसनदोषकम् ।
भवन्ति तत्र तन्देहाश्चन्द्रस्यान्तर्गते शनौ ॥६॥
चन्द्रमध्ये बुधान्तर्दशाफलम् ।
सर्वत्र लभते लाभं गजाश्वैर्गोधनादिकैः ।
भवत्यन्तर्दशायां हि चन्द्रस्यान्तर्गते बुधे ॥७॥
चन्द्रमध्ये केस्वन्तर्दशाफलम् ।
चापल्यं चोद्वेगहानिर्बन्धुहानिर्धनक्षयम् ।
जायतेऽन्तर्गते केतौ चन्द्रस्यैव यदानुगः ॥८॥
चन्द्रमध्ये शुक्रान्तर्दशाफलम् ।
बहुस्त्रीसङ्गमं चाथ कन्यकाजन्म एव च ।
मुक्ताहारमणिप्राप्तिश्चन्द स्यान्तर्गते सिते ॥९॥
चन्द्रमध्ये सूर्यान्तर्दशाफलम् ।
जनप्रभावसौख्यं च व्याधिनाशं रिपुक्षयम् ।
ऐश्वर्य सौख्यमतुलं चन्द्रमर्कोऽनुगो यदि ॥१०॥