भौमे शत्रुविमर्दः स्यात्कलहो बन्धुभिर्नृणाम् । स्वान्तरे बहुपीडा स्यादृद्धस्त्रीगणिकारतिः ॥१॥
फलं मानं सुखं चैव धनलाभसुखागमम् । लभते मानवो नित्यं भौममध्ये बुधो यदा ॥२॥
सौभाग्यसौख्यमतुलं नानाशत्रुविमर्दनम् । लभते सुखसौभाग्यं भौममध्ये गुरुर्यदा ॥३॥
स्वदेहपीडां धनमानहानिं महत्प्रतापं सुखवर्जितं च । ददाति भौमान्तरगो भृगुश्च धर्मार्थसिद्धिं विजयं तथैव ॥४॥
स्वदेहभङ्गं कुरुते शनौ कुजो विपाककाले सुखवर्जितं च । धनागमं ह्यर्थविनाशनं च सेवा भवेन्नीचजनप्रतापे ॥५॥
सूर्यो रोगविनाशं च श्वेतवस्तुफलप्रदम् । सम्मानं चैव भूपालं सर्वसौख्यधनागमम् ॥६॥
ददाति हेमाम्बरसौख्यलाभं धनं तथा भोगसुखं च संततिम् । मित्रागमं भ्रातृपितुश्च भक्तिं ददाति चन्द्रान्तरगः कुजश्च ॥७॥