धननाशोपघातश्च विदेशे दुःखपूरितम् । सर्वत्र विफलं विन्द्यातकेतोरुपदशां शिखी ॥१॥
अर्थ चतुष्पादहानिर्नेत्ररोगः शिरोव्यथा । श्लेष्मभीत्यर्थहानिश्च केतोरुपदशां भृगुः ॥२॥
मित्रस्वजनजोद्वेगो ह्यल्पमृत्युः पराजयः । भोजनं क्रतुहीनं च केतोरुपदशां रवौः ॥३॥
अन्नपानादिनाशं च व्याधितस्य च विभ्रमः । मिष्टान्नभोजनप्राप्तिः केतोरुपदशां शशी ॥४॥
वह्नेः शत्रो रणे भीतिर्वातकष्टभयं नृपः । कुधान्यं मत्स्यमांसानि केतोरुपदशां कुजः ॥५॥
शत्रुतो हि भयं स्त्रीणां नीचेभ्योऽधिकपीडनम् । बुभुक्षितं पराधीनं केतोरुपदशां तमः ॥६॥
विवादं धनहानिश्च वस्त्रमंत्रादिनाशनम् । केतोरुपदशां जीवो रुक्षधान्यादिभोजनम् ॥७॥
वस्त्रान्नपानहानिश्च सुखमाश्रमपीडनम् । गोमहिष्यादिनाशं च केतोरुपदशां शनिः ॥८॥
शत्रुपीडा महोद्वगो विद्याबन्धुधनक्षयः । केतोरुपदशायां हि केतुः सौम्यस्य संशयः ॥९॥