शौर्य गीतिरतिप्रमोदविभवो द्रव्यान्नपानाम्बुदः
स्त्रीरन्तं मतिमन्महोपकरणैरर्थाश्च नानाविधाः ।
स्वाध्यायौषधमन्त्रशिल्पकरणैरर्थस्य सिद्धिर्भवेत्
सौख्यं चक्षुविकारभोजनरुचिः ख्यातिः प्रतापोन्नतिः ॥१॥
शुक्रमध्ये शुक्रफलम् ।
लाभः स्वान्तरगे शुक्रे स्त्रीसङ्गो धर्मजं सुखम् ।
अभिलाषार्थयुक्तश्च कीर्तिकौशल्ययुग्भवेत् ॥२॥
शुक्रमध्ये रविफलम् ।
नेत्रगण्डभवै रोगैः पीड्यते नृपबान्धवैः ।
उत्पातश्च महद्दुःखं शुक्रस्यान्तर्गते रवौ ॥३॥
शुक्रमध्ये चन्द्रफलम् ।
उद्वेगोऽकुशलं हानिरश्वादीनां धनक्षयः ।
बहुक्लेशं मनोदुःखं शुक्रस्यान्तर्गते विधौ ॥४॥
शुक्रमध्ये भौमफलम् ।
नखोदरशिरोव्याधिः कलहो बन्धुसंक्षयः ।
दौर्बल्यं च शरीरस्य कुजे शुक्रदशां गते ॥५॥
शुक्रमध्ये बुधफलम् ।
धनं धान्यं सुखं लाभो मानो धर्मो यशः सुखम् ।
महाजनेन सौहार्द शुक्रस्यान्तर्गते बुधे ॥६॥
शुक्रमध्ये शनिफलम् ।
वृद्धस्त्रीगमनं पीडा पुत्रनाशो विपत्पदम् ।
शत्रुनाशः सुत्दृत्प्राप्तिः सौरे शुक्रदशां गते ॥७॥
शुक्रमध्ये गुरुफलम् ।
धनधान्यसमृद्धिश्च धर्मशीलसुखानि च ।
स्त्रीसुखं कीर्तिमाप्नोति गुरौ शुक्रदशां गते ॥८॥
विदेशगमनं बन्धुद्वेषः सङ्गमशुद्धयः ।
स्ववंशनाशमाप्नोति राहौ शुक्रदशां गते ॥९॥