नामदेवाचें चरित्र - दोघेजण बाळ नारा म्हादा ता...

दोघेजण बाळ नारा म्हादा तान्हें । बांधियेलें तिनें मागें पुढें ॥१॥
उडी ते घातली भींवरेचे डोहीं । आला लवलाही पांडुरंग ॥२॥
येउनी शिरला भीवरेचे डोहीं । ओढोनी राजाई ठेवी कांठीं ॥३॥
पाहे तों राजाई कांठीं उभी आहे । क्रोधें बोलताहे विठ्ठलासी ॥४॥
क्रोधें म्हणे देव कांरे जाचितोसी । लल्लाट महिषी आपटिलें ॥५॥
क्रोधें ते आणिक टाकियली उडी । नेली पैलथडी विठ्ठलानें ॥६॥
मग ते राजाई चालिली घरासी । देखिला वाटेसी मेला सर्प ॥७॥
सर्प तो घेउनी वेगी आली घरासी । ठेवी शिजावयासी चुलीवरी ॥८॥
सर्प हा शिजला खाऊं पांचजणें । केला विचार तिनें गोंदा म्हणे ॥९॥