नामदेवाचें चरित्र - जाच केला म्हणोनि चालिला श...

जाच केला म्हणोनि चालिला श्रीहरी । भक्तांचा कैवारी पांडुरंग ॥१॥
पंढरीचा वाणी झाला केशवशेट । लावियेला मूठ ढवळानंदी ॥२॥
वराईची गोणी घालून त्यावरी । आणून नाम्याघरी उतरली ॥३॥
पुसता तो नामा गेला अंघोळीसी । सांगे राजाईसी केशवशेट ॥४॥
धनाची हे गोणी वेंचा तुम्ही घरीं । सांगा वहुतापरी नामयासी ॥५॥
नामदेव माझा मित्र आहे सगा । केशवशेटीं सांगा दिल्ही गोणी ॥६॥
वचन सांगोनी केशवशेट  गेला । नामदेव आला मंदिरासी ॥७॥
येउनी पुसत कवणाची गोणी । तुमचा मित्र वाणी केशवशेट ॥८॥
नामा पाहे तंव वराईची गोणी । दु:खी जाहला मनीं गोंदा म्हणे ॥९॥