अंगार्‍याला गेला दिवस करायला आला

मराठी वाक्संप्रदाय - वाक्यप्रचार

   मनुष्य आजारी असला म्हणजे दैवी उपचार म्हणून देवाचा कौल घेऊन त्याचा अंगारा त्यस लावण्यांत येतो. अशा तर्‍हेचा देवाचा अंगारा आणण्याकरितां एखाद्या मनुष्यास पाठविलें असतां तो तिकडेच दीर्घकाळ राहून जों परत येतो तों आजारी मनुष्य मरण पावून त्याची उत्तरक्रिया चालू असते. अशावेळीं त्याल पाठविल्याचा काय उपयोग? एखादें काम कराव्यास सांगितलें तर त्याचें जोंपर्येंत प्रयोजन आहे तोंपर्यंत तें केलें तरच त्याचा उपयोग. त्याची गरज नाहींशी झाल्यावर केलें असतां तें निष्फळ होय़.