उत्तरभागः - अध्यायः ३२

सनत्कुमार उवाच ॥
जपहोमार्चनादानाभिषेकाद्यं च पूर्ववत् ॥
मुवर्णमेदिनीदानं प्रवक्ष्यामि समासतः ॥१॥

पूर्वोक्तदेशकाले तु कारयेन्मुनिभिः सह ॥
लक्षणेन यथापूर्वं कुंडे वा मंडलेऽथ वा ॥२॥

मेदिनीं कारयेद्दिव्यां सहस्रेणापि वा पुनः ॥
एकहस्ता प्रकर्तव्या चतुरस्रा सुशोभना ॥३॥

सप्तद्वीपसमुद्राद्यैः पर्वतैरभिसंवृता ॥
सर्वतीर्थसमोपेता मध्ये मेरुसमन्विता ॥४॥

अथवा मध्यतो द्वीपं नवखंडं प्रकल्पयेत् ॥
पूर्ववन्निकिलं कृत्वा मंडले वेदिमध्यतः ॥५॥

सप्तभागैकभागेन सहस्राद्विधिपूर्वकम् ॥
शिवभक्ते प्रदातव्या दक्षिणा पूर्वचोदिता ॥६॥

सहस्रकलशाद्यैश्च शंकरं पूजयेच्छिवम् ॥
सुवर्णमेदिनीप्रोक्तं लिंगस्मिन्दानमुत्तमम् ॥७॥

इति श्रीलिंगमहापुराणे उत्तरभागे सुवर्णमेदिनीनीदानं नाम द्वात्रिंशोऽध्यायः ॥३२॥