सुफळ बोलरे नार्‍या! रंडक्या झाल्या सार्‍या, मांडवाला आग लागली! अरे असें बोलूं नये! पिंडाइतका भात द्या म्हणजे मढया सारखा पडतो

मराठी वाक्संप्रदाय - वाक्यप्रचार

   ( व.) नार्‍याला सूचना केली कीं शुभ बोलत जा, परंतु त्याला भूक लागली होती. तेव्हां शुभा शुभाची फिकीर न करतां लग्नमंडपांत जमलेल्या बायकांकडे पाहून तो म्हणतोः इतक्या रंडक्या आहेत. व मांडवाला काय आग लागली आहे. म्हणून मला कोणी जेऊं घालीत नाहीं. ‘ असें अशुभ बोलूं नये,’ म्हणून म्हणतांच पिंड, मढें वगैरे अशुभ कल्पना सुचवून, तो फार बहकतो. अशुभ शब्द उच्चारण्याची जों जों मनाई करावी तों तों एखाद्याला जास्त जास्त स्फुरण चढतें. शुभ पहा.