रेटणे

मराठी पर्यायी शब्दकोश

 क्रि.   ढकलणे , मागून जोर लावणे ( पुढे ढकलण्यासाठी );
 क्रि.  कष्टाणे चालवणे , नेटाने पुरे करणे , यत्नपूर्वक तोंड देणे ( अडचणींना ).

मराठी (Marathi) WN

    see : ढकलणे, ढकलणे

महाराष्ट्र शब्दकोश

 स.क्रि.  
   पदार्थाला पुढे जाण्यासाठी गति देणे ; ढकलणे ; मागून दाब घालणे ; खुपसणे .
   ( कांही अनिष्ट प्रसंग ) प्रतिकार करुन थांबविणे ; संभाळून धरणे ; थोपविणे .
   ( कठिण काम ) नेटाने पार पाडणे ; ( धंदा , नोकरी , उद्योग इ० ) विघ्नास न जुमानतां चालविणे .
   कष्टाने चालविणे ; संकटाच्या स्थितीत काढणे किंवा कंठणे ( दिवसकाळ ).
   ( खाद्यपदार्थ ) आधाशीपणाने खाऊन टाकणे ; गिळणे . रेटून जाबसाल करणे - भीडमुरवत न ठेवतां स्पष्टपणे आपले म्हणणे मांडणे ; उघड बोलणे ; धीटपणाने आपले म्हणणे सांगणे . रेटून - क्रिवि .
    जोराने ; आवेशाने .
   मोठ्या प्रमाणांत . रेटणे , रेंटणे - अक्रि .
    सरकणे ; स्थानभ्रष्ट होणे ; आपली जागा सोडणे ; ( फार दाबामुळे खांब , तुळई इ० ) कलणे .
   ( धान्य , पाणी इ० ) विपुल होणे , पिकणे ; अमर्याद होणे ; अतिशय होणे . उदा० पीक रेटले , पाऊस , रेटला , अमदानी रेटली .