श्री स्वामी समर्थ - पेटविली निराजने

पेटविली निरांजने ओवाळिले केशवा
तेजाळली निरांजने ओवाळिले माधवा

तूच ब्रह्मा तूचि विष्णु
उमामहेश्वर
पद्मासनी बैसलासे दिगंबर
गौरकांती दत्तरुप दावियले तेधवा
पेटविली निरांजने ओवाळिले केशवा

ज्ञानियांचा राणा शोभे
गुरु महाराव
त्रिखंडात गाजविला
भक्तिचा हा गाव
भक्तसख्या स्वामीराया मोक्षमार्ग दाखवा
पेटविली निरांजने ओवाळिले केशवा

तीर्थस्थान प्रज्ञापुरी
संत सहवास
दंडवत घालू भावे
स्वामी समर्थांस
आशीर्वाद द्यावा देवा, भक्तालागी तोषवा
पेटविली निरांजने ओवाळिले केशावा