श्री स्वामी समर्थ - दत्त दत्त अवधूत
अक्कलकोटचे श्री स्वामी समर्थ महाराज हे दत्तावतारी महामानव!
दत्त दत्त अवधूत दिगंबर
दीनोध्दारक त्रिभुवन सुंदर
हृदयामाजी वसे नरहरी
भक्तिरसाचा दीप अंतरी
त्रिगुणात्मक अवतार मनोहर
दत्त दत्त अवधूत दिंगबर
स्वामिनाथ सद्भावे पुजिला
सुख, शांती हा देई सकलां
सगुण रुप हे ध्यान शुभंकर
दत्त दत्त अवधूत दिंगबर
करुणाघन हा, वत्सल माता
भाव भक्तिची अमृतगाथा
दया, क्षमा, समतेचा ईश्वर
दत्त दत्त अवधूत दिंगबर
मनी तयाचे ध्यान धरावे
सर्वांभूती त्यास पहावे
ब्रह्मांडाचा नायक मुनिवर
दत्त दत्त अवधूत दिंगबर
N/A
References : N/A
Last Updated : May 01, 2022
![Top](/portal/service/themes/silver/images/up.gif)
TOP