प्रसंग सतरावा - देहसंग्रामास प्रयाण

मही कडासन सबळ । चौदा भुवनें धरिलीं स्‍थूळ । अंतरीं संग्राम मांडिला प्रबळ । सावध श्रोतेनों परियेसा ॥३६॥
जेथें घातलें पद्मासन । सत्तें केलें मूळ अकोचन । एकविस स्‍वर्गाचें मैदान । अवलोकिलें ॥३७॥
मग पद्मासनापुढें । व्रजासन दिल्‍हें देउडें । सिद्धासन साधलें गाढें । योगसंग्रामालागीं ॥३८॥
त्रिविध रज तम सत्त्व गुण । ते तंव एकविध करून । पुढें आरंभिलें भांडण । देहसंग्रामाचें ॥३९॥
साशते एकविस हजार । अजपाजप सोऽहं उच्चार । तेहि केलें समस्‍त स्‍थिर । युद्धकाळीं पैं ॥४०॥