प्रसंग सतरावा - ब्रह्या (चक्रा) ची भेट

आधारापासूनि मांडणी । चौदा भुवनांचीं उभवणी । ते सांगेन ऐका चित्त देऊनि । सावधपणें सर्वथा ॥५८॥
पूर्व दिशा पाठीस घेऊन । मग चालिलों आधारींहून । ब्रह्मयास भेटलों जाऊन । सादृष्‍टानीं ॥५९॥
ब्रह्मा पुसे शांत वचन । अवलंबन केलें कवण्या गुणें । तें मजपें सांगा जी शीघ्र खुणें । कळों यावयालागीं ॥६०॥
मग ब्रह्मयास केले विनवणी । सुमुहूर्त सांगा जी मजलागुनी । ब्रह्मा म्‍हणे उठा जी तत्‍क्षणीं । व्यतिपात ग्रासूनियां ॥६१॥