प्रसंग अठरावा - ब्रह्मरंध्रापर्यंत चढाई

स्‍वप्न आणि सुषुप्ति । तुरिया आणि जागृति । या चारहि अवस्‍था निगुती । सांगितल्‍या ॥३६॥
भोंवर गुंफा प्रसादिलिंग ध्यानीं । भीतरीं असे सत्रावी साजणी । बारा सोळा सखिया मेळउनी । ते ताळुकी राज्‍य करी ॥३७॥
त्रिवेणीपासीं अर्धमातृका वेल्‍हाळा । ताळुका संगमीं मिळाल्‍या बारा सोळा । तेथून चाले वक्षरीचा जिव्हाळा । ज्ञान द्रवावया ॥३८॥
चाचरी खेचरी भूचरी । अलक्ष्य अगम अगोचरी । ह्या पांचहि मुद्रा सुंदरी । आटल्‍या तेथें ॥३९॥
ब्रह्मरंध्र सांगेन उदास । तेथें कोटि सूर्याचा प्रकाश । आयागमनाचा हिरास । जाला तेथें ॥४०॥
तेथें मन तेजी विराला संपूर्ण सकळ संजोगाचें जालें दहन । आत्‍मा राउत स्‍वयें उन्मन । तद्रूप जाला ॥४१॥