प्रसंग अठरावा - समाधीची व्याप्ती

ऐका या समाधीचा डेरा । एकविस स्‍वर्गांचा गाभारा । रवि शशि नव लक्ष तारा । पुष्‍पें मज घालिती ॥५५॥
चौदा भुवनांची उभारी । नव खंड पृथिवी काढिली बरी । सप्त पाताळें शेषावरी । स्‍थिरावली ॥५६॥
समाधीस बैसलों ना उभा । शुभ अशुभ नाहीं मज गाभा । सहजांत सहजाची शोभा । सोऽहं तत्त्वें प्रकाशें ॥५७॥
हे पूर्वीचीं समाधि जाण । मागुती घेतली जन्मा येऊन । शेख महंमद नाम भूषण । जळीं तरंग न्यायें ॥५८॥