प्रसंग अठरावा - प्रसंगसमाप्ति

आता प्रसंग तो अठरावा सुरस । जैस वैकुंठीचा मोक्ष कळस । भक्तिज्ञान वैराग्‍यरसांची मूस । मस्‍तकीं शोभत असे ॥३२३॥
अठरावा गुणातीत आत्‍माराम । बारासोळांशीं घेतला वैकुंठी विश्राम । कामक्रोधादिक असुरा तमाम । पराभवातें पावविलें ॥३२४॥
ऐसा विश्रांतीचा पूर्ण सागर । आत्‍माराम अविनाश दिगंबर । योगी जपताती निरंतर । अठरावा अविनाशु ॥३२५॥
ऐसा ब्रह्मांडनायक आदिपुरुष । ब्रह्मरसाचा आत्‍मकळस । ऐसा तो महा तेजाचा प्रकाश । योगियाहृदयीं वसतसे ॥३२६॥
तेथें कैंचा बारा सोळा नव रस । आत्‍माराम स्‍वयं प्रकाश । सैय्यद महंमदीं सावकाश । सम चिन्हाकार असे ॥३२७॥