श्री स्वामी समर्थ - पेटविली निरांजने

पेटविली निरांजने ओवाळिले केशवा
तेजाळली निरांजने ओवाळिले माधवा

तूच ब्रम्हा तूची विष्णू
उमामहेश्वर
पद्मासनी बैसलासे
स्वामी दिगंबर
गौरकांती दत्तरूप दावियले तेधवा
पेटविली निरांजने ओवाळिले केशवा

ज्ञानियांचा राणा शोभे
गुरु महाराव
त्रीखंडात गाजविला
भक्तिचा हा गाव
भक्तसख्या स्वामीराया मोक्षमार्ग दाखवा
पेटविली निरांजने ओवाळिले केशवा

तीर्थस्थान प्रज्ञापुरी
संत सहवास
दंडवत घालू भावे
स्वामी समर्थांस
आशीर्वाद द्यावा देवा, भक्तलागी तोषवा
पेटविली निरांजने ओवाळिले केशवा