श्री स्वामी समर्थ - दत्त दत्त अवधूत

दत्त दत्त अवधूत दिगंबर
दीनोद्धारक त्रिभुवन सुंदर

हृदयामाजी वसे नरहरी
भक्तिरसाचा दीप अंतरी
त्रिगुणात्मक अवतार मनोहर
दत्त दत्त अवधूत दिगंबर

स्वामिनाथ सद्‍भावे पुजिला
सुख, शांति हा देई सकला
सगुण रूप हे ध्यान शुभंकर
दत्त दत्त अवधूत दिगंबर

करुणाधन हा, वत्सल माता
भाव भक्तिची अमृतगाथा
दया, क्षमा, समतेचा ईश्वर
दत्त दत्त अवधूत दिगंबर

मनी तयाचे ध्यान धरावे
सर्वांभूती त्यास पहावे
ब्रह्मांडाचा नायक मुनिवर
दत्त दत्त अवधूत दिगंबर