गौरीची गाणी - सोनचाफा

सोनचाफा
पोरीनं वलवेल्या ग नेटाच्या चुंभल्यानी
पोरीनं घेतला ग पाण्याचा धस्कारा

पोर गेलीय ग बावडी पाण्याला
पोरीनं शिंपीला ग दारीचा सोनचाफ़ा

कोणा रांडेनी ग सरप येऊ दिला
माजा मारीला ग दारीचा सोनचाफ़ा
पोर निंगली ग दणाण सडकेला
तिकून आली ग बाराची ही गाडी
पोरीनं हात केला ग बाराच्या गाडीला
पोर बसली ग बाराच्या गाडीला
तिकीट काढलं ग वसई ठेसनाचं जाऊन
उतरली ग बसई ठेसनात.....

सोनचाफा
पोरीने वळवली ग नेटाने चुंबळ
पोरीने घेतलीय ग पाण्याची धास्ती

पोर गेलीय ग विहिरेवर पाण्याला
पोरीने शिंपले पाणी दारातील सोनचाफ़्याला

कोणा रांदेनी ग सर्प येऊ दिला
माझा मारला ग दारीचा सोनचाफ़ा
पोर निघाली सुसाट सडकेला
तिकडून आली ग बाराची गाडी
पोरीने हात केला ग बाराच्या गाडीला
पोर बसली ग बाराच्या गडीला
तिकीट काढलं ग वसई स्टेशनाचे
जाऊन उतरली ग वसई स्टेशनात.....

सोनचाफ़्यासारख्या वाढवलेल्या मुलीवर कुणीतरी भूल घातली आणि त्या सापासारख्या प्रियकरासोबत मुलगी घरातून पळून गेली असा अर्थ.