मोरया गोसावी - वाट मी पाहातो रे मोरया रे...

वाट मी पाहातो रे मोरया रे तूझी ॥

तुचि विश्रांति रे माझीये मायबापा ॥१॥

तुजवाचोनी सोय रे मज नाहीं रे दुसरी ॥

झणी धरीसी अंतर हो दीन बंधु ॥२॥

भेटि बहू दिवस जाहाले देव कोठे स्थीरावले ॥

वाट पाहातां श्रमले हो नेत्र माझे ॥३॥

चरणी ब्रीदाचा तोडरु रे हा तूझा हो बडिवारु ॥

माझा देह भाव निर्धार हा तुझे पायीं ॥४॥

मोरया गोसावी हो योगिया हो लीन ॥

भेटी दिधली आलिंगूनिया गणराजा ॥५॥