खण्डः ३ - अध्यायः १८६

मार्कण्डेय उवाच॥
कृष्णपक्षचतुर्दश्यां विरूपाक्षं तु पूजयेत्॥
पौषमासादथारभ्य यावत्संवत्सरं व्रतम्॥
गन्धमाल्यनमस्कारधूपदीपान्नसम्पदा॥
उष्ट्रं द्विजातये दद्याद्व्रतान्ते च परन्तप ॥२॥
कृत्वा व्रतं वत्सरमेतदिष्टं भयं न चाप्नोति स राक्षसेभ्यः॥
कामानवाप्नोति भवत्यरोगो भयं च राजन्न च वेत्ति किंचित् ॥३॥
इति श्रीविष्णुधर्मोत्तरे तृतीयखण्डे मार्कण्डेयवज्रसंवादे विरूपाक्षव्रतवर्णनो नाम षडशीत्युत्तरशततमोऽध्यायः ॥१८६॥