आदिखंड - सात्विकोत्पन्न

असें तामसें जनिलें । पाठिं सात्विकें काय केलें । अंत: करणाचे आरंभलें । जन्म तेणें ॥३७॥
ज्ञानशक्तिसी सात्विकें । जनिली अंत:करणादिके । जें इंद्रिय गुण नायकें । सत्तारुपें ॥३८॥
ते येक चि अंत: करण । चतुर्भाग जाले भिन्न । परि पंचीकरणी प्रमाण । पांचाचें असे ॥३९॥
नभाचा अंशु अंत:करण । तथा चि वायोचें मन । बुध्दि तेजापासुन । रुपा आली ॥४०॥
आपा पासुन ये चित्त । अहंकारु तो भूत्व जात । सात्विक ज्ञानसहित । प्रसवला असें ॥४१॥
॥इति सात्विकोत्पन्न ॥