आदिखंड - कर्मबंध

आतां बंधु तो असा । जो कर्म करी फलाशा । तो संसाराचि दशा । चुके केवि ॥१००॥
देव ग्रहे प्रेत पितर । यांसि चि तर्पिति निरंतर । तेथें चि होय थीर । त्याची बुध्दि ॥१॥
ते पावले प्राप्तीवरी । जन्म मरणाचा भरोवरी । जीव सृष्टीचां वोरबारी । पडलेंचि ते ॥२॥
सत्कर्माचा भागु सरे । तैं चि देवदशा ही उतरे । तेणें हिं योनिव्दारें । जन्म चि घेणें ॥३॥
असत्कर्मी निर्धारीं । त्यासी यातना भरोवरी । ते उगवता संसारी । असें कैचें ॥४॥
इति कर्मबंध ॥