तुजवीण अधार मज कोणि नाही

तुजवीण अधार मज कोणि नाही॥
पथ कोण दावील
कर कोण घेईल
नेईल सांभाळुनी कोण, आई!॥ तुजवीण....॥

बघतो तुझी वाट
नयनांतानी पाट
गळा दाटतो सांगु तुजलागि कायी॥ तुजवीण....॥

हसतात सारे
न दया कुणा रे
दिशा शून्य राया! तुझ्यावीण दाही॥ तुजवीण....॥

पथि मी उभा रे
हसतात सारे
मला होटिती, मी रडे धायिधायी॥ तुजवीण....॥

जग मत्त हे जात
नत मी उभा तात!
ये हात धरुनी मला नीट नेई॥ तुजवीण....॥

कधिही तुझ्यावीण
पद मी न टाकीन
जावो जरी जन्म हा सर्व जाई॥ तुजवीण....॥

-पुणे, सप्टेंबर १९३४