भक्ति गीत कल्पतरू - मुक्तची मी होणार ॥ देही य...

मुक्तची मी होणार ॥ देही या० ॥ मुक्तची मी होणार० ॥धृ०॥

इच्छा वासना सर्व सोडुनी । लीन सद्‌गुरुपदीं होउनी ।

स्वानंदची घेणार ॥ देहीं या० ॥ मुक्तची० ॥१॥

देहबुद्धि ही समूळ टाकुनी । आत्मबुद्धिचा विचार करुनी ।

ब्रम्हरुप होणार ॥देहीं या० ॥ मुक्तची० ॥२॥

नामस्मरणीं रत होउनी । भजनानंदांतचि रंगुनी ।

ब्रम्हरस पीणार ॥ देहीं या० ॥ मुक्तची० ॥३॥

सद्‌गुरुकृपा संपादुनी । सत्‌चितरुप तें सर्व जाणुनी ।

वारी लीन होणार ॥ देहीं या० ॥ मुक्तची० ॥४॥