भक्ति गीत कल्पतरू - घनश्याम श्रीहरी सावळा । प...

घनश्याम श्रीहरी सावळा । पाहूं वेळोवेळां गे० ॥धृ०॥

भक्ति सोनें घेऊनी हातीं । सुंदर अंगठी बनवूं प्रीति ।

हीरा चैतन्य सगुण मूर्ती । बसवुन पाहूं निजडोळा ॥घनश्याम० ॥१॥

ध्यान धारणा करुनी दूरी । अंगठी घालूं विवेक करीं ।

प्रेमें पाहूं वरचेवरी । मना लागला जिव्हाळा ।घनश्याम० ॥२॥

दशांगुलीं घालितां अंगठी । सत्वर प्रगटें तो जगजेठी ।

चैतन्य स्वरुपीं त्या घालूं मिठी । वारी म्हणे करुं सुखसोहळा । घनश्याम० ॥३॥