लग्नाची गाणी - चिठी

चिठी
तल्यात पडली खैरकाठी
फ़ुलां भरली पाटी
गावदेवी गेली वरापाठी
तिचे शेंड्याला चिठी
चिठी वाच रं ब्रह्यदेवा
सूर्यालगीन लावा
(खैर-काताचे झाड, सूर्यालगीन-दिवसाच्या वेळी लावले जाणारे लग्न)

लग्नपत्रिका
तळ्यात खैराची काठी पडली,
टोपलीही फ़िलांनी भरली;
गावदेवी नवरदेवाच्या मागोमाग गेली
तिच्या अंबाड्यात लग्नपत्रिका खोवलेली आहे...
ब्रह्मदेव तू आता ती लग्नपत्रिका वाच
पत्रिकेनुफ़ार आता ’सूर्या लगीन’ लावा.