स्त्रीगीत - मुंजीचं गाणं

थाट सारा बघुन हरीश गेला खुलुन
आला मुंजीचा क्षण बघा ऎसा नटुन ॥धृ॥
दारी मांडवाला । तोरण लारूं चला
जाऊ अक्षतील आता सार्‍या मिळुन ॥१॥
व्रतबंध आज । केला सर्व साज
गुरुगृही जाहो आता पंचा नेसुन ॥२॥
यज्ञोपविताचे । मोल मोठे साचे
लागा अभ्यासाल आता दीक्षा घेउन ॥३॥
मामी आत्या आली । मंजु करवली
निरु मोठ्या खुषीत गाते गानी करुन ॥४॥
उरक आईस मोठा । नाही कशास तोटा
केले कार्य मोठे थोडे थोडे म्हणुन ॥५॥
आजी दोघी हजर । पंजी मोठी तप्तर
करती आटापिटा अंगी शक्ति नसुन ॥६॥
बाबा चष्म्या आडुन । पाहती गंमत दुरुन
घातला सारा घाट किंचित गालांत हसुन॥७॥
शुध्द विचारांची । जाण संस्कारांची
नव्या रोपाचा वृक्ष उद्या होइल म्हणून ॥८॥