स्त्रीगीत - कोजागिरी - फेराचे गाणे

हातामधे हात गुंफुनि चला नाचूं या
ग चला नाचुं या ॥धृ॥
शरद पौर्णिमा आज उदेली
नक्षत्रांची नभी रांगोळी
चांदण्याच्या प्रकाशांत चला नाहुं या ॥१॥
चंदेरी हा प्रकाश सुंदर
लावण्याने नटे चराचर
जणुं धरेवर स्वर्ग उतरला त्यांतच हिंडुया ॥२॥
आनंदाचा पर्वकाळ हा
सुख तयातिल चला सेवु या
जमला ठेका, सुरात एका चला गाऊं या ॥३॥
विसरा खंत, विसरा खेद
एकत्वाचा घुमवा नाद
त्या नादाच्या स्वरलहरीवर चला डोलुया ॥४॥