स्त्रीगीत - नवरात्राचे गाणे

नवरात्रीचा उत्सव । आज पहिली ग माळ
घट स्थापिला मंगल । सर्वारंभी ॥१॥
आज माळ ग दुसरी । अंबा करी अनुष्ठान
असुरांचे निर्दाळण करायासी ॥२॥
आज माळ ग तिसती । अंबा बैसली तपाला
त्रयो गुण प्रकृतीला । जिंकायाला ॥३॥
आज माळ ग चवथी । अंबा बैसलीसे स्थिर
वृत्ती जिंकुनि चत्वार । मनाचिया ॥४॥
आज माळ ग पाचवी । करा ललितापूजन
पंचेद्रियांना जिंकुन । अंबा दृढ ॥५॥
आज माळ ग सहावी । षड्गुणांना आवाहन
सदाचारांनी संपन्न । होई माता ॥६॥
आज माळ ग सातवी । विद्यादेवाची स्थापना
वेदशास्त्रांच्या ग्रंथांना । पूजियेले ॥७॥
आज माळ ग आठवी । महालक्ष्मी प्रगटली
अष्टभुजा सिध्द झाली । युध्दासाठी ॥८॥
आज माळ ग नववी । शस्त्रे अस्त्रे पूजियेली
तमोगुणांनी पेटली । जगदंबा ॥९॥
नवरात्र नऊ दिन । अनुष्ठान पूर्ण झाले
यश कार्यार्थ चिंतिले । देवर्षिनी ॥१०॥