संत सखूबाई यांचे पद

आनंदाची दिपवाळी । घरी बोलवा वनमाळी । घालीते मी रांगोळी । गोविंद गोविंद ॥धृ०॥
सुंदर माझ्या घरात । आत्मा हा नांदत । चंद्रसूर्य दारात । गोविंद गोविंद ॥१॥
दळण दळिले मंदिरी । विष्णू यावे लौकरी । चित्त माझे शुद्ध करी ।
रावणासी मारोनी । सीता आणिली घरी । बिभीषण राज्य करीत ।
अंजनीच्या उदरी । मारूती ब्रह्मचारी । येशवदेच्या मांडीवरी ।
वैकुंठीचा राणा । चन्द्रभागेवरी आला । पुंडलिकाचा भाव पाहुनी । उभा तो राहिला ॥५॥
पुंडलीक भक्त बळी । त्याने आणिला वणमाळी । विटेवरी दिसली । मूर्ती ती सावळी ॥६॥
सावळा तो वनमाळी । भक्तीसी भुलला । पुंडलिकाचा बाजार । दृष्टीने पाहिला ॥७॥
विठ्ठल माझा सखा । ओव्या मी गाईन । देऊळासी जाईन । हरिला पाहीन ॥८॥
विठ्ठल माझे गणगोत । आराध्य दैवत । विठ्ठलाच्या चरणी सखू । झाली मनोरथ ॥९॥
( के. वा. आपटे, म. सं. प. २९.४ )

संत सखूबाई यांचे पद समाप्त