श्री गुरूचे पद - जे अक्रोध महानुभाव । योग ...

जे अक्रोध महानुभाव । योग वैराग्य छत्रपतीराव ।
ज्यांच्या मतें हा बद्ध मोक्ष वाव । ज्यासी श्रुति म्हणती गुरुराव ॥१॥
रे सखया सज्जन दुर्लभ रे । ज्यासी बोलिजे सिद्ध स्वयंभ ।
जे भाविकासी अतिसुलभ । ज्याच्या दर्शनें अपार पुण्यलाभ ॥ध्रु.॥
भक्ति विलसती इंद्रियानंदें । शांतिक्षमेसी सुटली दोंदे ।
भूतकृपा सर्वत्र सम नांदे । जन संतुष्ट कीर्तिमकरंदें ॥२॥
दृश्य पदार्थ निर्लेभ ज्यासी । जे दानशूर निज वस्तूसी ।
थापें मारिले भये शोकासी । कृपा कल्याण दीन जनासी ॥३॥