धर्मसिंधु - अपराण्हदिविशेष

तीन मुहूर्ताचा एक भाग याप्रमाणे दिवसाचे पाच भाग करावे. त्यात पहिला भाग प्रातः संज्ञक, दुसरा भाग संग व तिसरा भाग मध्याह्न, चौथा भाग अपराह्ण व पाचवा भाग सायाह्न. दिवसाचा पंधरावा भाग तो मुहूर्त यात सातवा मुहूर्त गंधर्वसंज्ञक, आठवा कुतुपसंज्ञक; व नवा मुहूर्त होहिण संज्ञक. दर्शादिश्राद्धाचा निर्णय बहुधा पूर्वीच्या दोन परिच्छेदात सांगितला आहे. त्याहून विशेष निर्णय सांगतो. साग्निक असे कात्यायन इत्यादिकांनी अन्वाधान पिंड, पितृयज्ञ व दर्शश्राद्ध ही तीनही एके दिवशी करावी, असा नियम सांगितला आहे. म्हणून दिवसाचे तीन भाग करून तिसरा भाग जो अपराह्ण काल तदव्यापिनी अमावास्येत दर्शश्राद्ध करावा.