भारूड - लपंडाव

९७२.
( राग-श्रीराग; ताल-धुमाळी )
लपंडाई आणि डाई । दिसेना की ठाईंचे ठाई ।
डाई येतां होते भंडाई ॥ध्रु०॥
आहे आहे आहे की नाही । नाही नाही विवेके पाही ।
सावधानपणे तूं राही ॥१॥
जवळीच परी आडळेना । अनुमाने ठाई पडेना ।
ज्ञानदृष्टीवीण कळेना ॥२॥
घरामधे बाहेरी येतो । येतो जातो परी दिसेना तो ।
देतो घेतो परी कळेना तो ॥३॥
खेळ मोडा पिंपळ तोडा । म्हातारीचे डोचके फोडा ।
फोडीना तो जाणावा वेडा ॥४॥
जाणतया डाई चुकली । नेणतया ठाकुनि आली ।
गैब दास डाई बिडाली ॥५॥