आरती देवीची

जय जय आदिभवानी भगवति भवजाये । विश्वव्यापक म्हणविसी विश्वाची माये । अगाध महिमा तुझा वर्णूं मी काय । दीनदयाळे अंबे दाखवि तव पाय ॥१॥
जय देवी जय देवी जय जय श्रीत्रिपुरे । तुझें अर्चन करितां मन माझें न पुरे ॥ध्रु०॥
दाक्षायणी तूं म्हणविसी हिमगिरीची तुळजा । रेणू मातापुरची आत्म्याची सहजा । कोल्हापुरची कमला विमला श्रीगिरिजा । सप्तश्रृंगनिवासिनी शाकांबरी गिरिजा ॥२॥
तृष्णा पुरवी कृष्णा कृष्णाची भगिनी । निसटुन गेली कैसी कंसाहातिहुनि ॥ सावध सावध झाली मुळपीठभुवनीं । मध्वमुनीश्वर म्हणतो ही माझी जननी ॥३॥