धर्मसिंधु - प्रयाणास लग्नशुद्धि

ज्या लग्नी प्रयाण करावयाचे असेल त्या लग्नापासून १-४-७-१०-९ व ५ या स्थानी असलेले शुभग्रह इष्ट होत. ३-११-६-१० या स्थानी असलेले पापग्रह अशुभ होत. दशम शनि व सप्तम शुक्र हे अनिष्ट होत. ६-८-१२-१ या स्थानी असलेला चंद्र अशुभ होय. यात्रालग्न ५ स्वामी ७-६-८ व १२ या स्थानी अशुभ होय. लग्नी वक्री ग्रहाचा वर्ग, वक्री ग्रहाचा वार कुंभलग्न व कुंभलग्नाचा नवांश हे प्रयाणलग्नी प्रयत्नाने वर्जावेत. मीन लग्नावर किंवा मीनांशी प्रयाण करणाराचा प्रवास अत्यंत दुःखदायक होतो. आपल्या लग्नापासून किंवा जन्मराशीपासून ६ वी राशी अथवा तिचा स्वामी हे मृत्यु देणारे होत. शत्रुगृही किंवा त्याच्या अंश त्याची दृष्टी असता प्रयाण करणे शुभकारक नाही. अस्तंगराशी व जन्मराशी लग्नी शुभ नाही. वर्गोत्तमी व वर्गोत्तमयुक्त लग्नी चंद्र असल्यास जयप्राप्त होतो.