दुसर्‍या व तिसर्‍या विवाहाचा निर्णय

संग्रहांत असें सांगितलें आहे कीं, भार्या मृत झालेल्या वराचा पुन: विवाह करावयाचा तो भार्या मृत दिवसापासून विषमवर्षी करावा; तो शुभ आहे. समवर्षी केला असता मृत्युदायक होईल. तिसर्‍या स्त्रियेशीं विवाहाचा निषेध सांगतो, मात्स्यांत - सुरतसिद्धिसाठीं तिसरी स्त्री विवाहील तर तो विनाश पावेल यांत संदेह नाहीं; असें गर्गमुनींचे वचन आहे. संग्रहांत - तिसर्‍या स्त्रियेशी जर विवाह करील तर ती स्त्री विधवा होईल. चवथा विवाह करण्यासाठीं तिसरा अर्काबरोबर विवाह करावा.