कपिलासन *

(चित्र क्र. ३७४)
कपिल हे एक महान ऋषी होऊन गेले. सांख्य तत्त्वज्ञान त्यांनी प्रतिष्ठापित केले असे सांगतात. हे आसन म्हणजे बुध्दासनाचा (चित्र क्र. ३७३) पुढचा टप्पा.

पध्दती
१. मानेच्या पाठीमागे डावा पाय ओढून हाताची पकड बुध्दासनातल्याप्रमाणेच ठेवा. श्वास सोडा. धड पुढे वाकवा. पश्चिमोत्तानासनातल्याप्रमाणे (चित्र क्र. १६०) लांबवलेल्या उजव्या गुडघ्यावर हनुवटी टेका.
२. दीर्घ श्वसन करीत या स्थितीत १० ते १५ सेकंद राहा. श्वास घ्या. डोके आणि धड वर उचला आणि हाताची पकड सोडा.