भावगंगा - आम्ही घेतला योगेश्वर

आम्ही घेतला योगेश्वर आम्ही घेतला योगेश्वर
आम्हां मिळाले संतांचे आशीर्वाद अन् वर ॥धृ॥
दशोदिशा तेजोमय होती, पंचरंगीक्रांती गीत गाती
गावासंगे नाते जोडून तृप्त होती नगरं ॥१॥
आता दीन ना कुणीही उरला, "दान" शब्द हा पुरता सरला
भगवंताची सर्व लेकरे गाती भक्तीस्वर ॥२॥
मूर्तीपूजेचे शास्त्र गवसले भगवंताचे स्थानही कळले
"मनुष्य गौरव" वाढवू पाहून चराचरीं ईश्वर ॥३॥
ज्ञानेशांचे शब्द ऐकिले, नाथ तुक्यांचे भाव स्पर्शिले
दादा तुमच्या वात्सल्यातून पूर्ण भक्ती साकार ॥४॥