भावगंगा - योगेश्वर आहे आमचा प्रमुख

योगेश्वर आहे आमचा प्रमुख
होय, आमचा प्रमुख
त्याच्या पाया पडू, लाभेल सुख
हो लाभेल सुख ॥धृ॥
वेदांस म्हणतात विचार देवाचे
आचार मानवाने त्यातून घ्यायचे
साधेल सारे तर हरेल दु:ख
हो हरेल दॅख ॥१॥
ॠषींच्या तपात भाव प्रभूचा
तेज सूर्याचे, संदेश चंद्राचा
तेजस्वी शीतल देवाचे मुख
दाविती देवाचे मुख ॥२॥
विकास मार्गात निष्ठा प्रभूवर
राखता, होते सृष्टी शुभंकर
भक्तीने जाते सारी रुखरुख
जाते सारी रुखरुख ॥३॥
यज्ञीय निष्ठेत डोंगर प्रेमाचे
भाव पोसती दुबळ्या मनाचे
अस्मिता जागृती त्यात अधिक
हो त्यात अधिक ॥४॥
कार्य आहे हे महामुनींचे
मार्गदर्शन पूज्य दादांचे
आपण त्यांचे होऊ पाईक
हो होऊ पाईक ॥५॥