आर. एम. मालुंजकर - देह मानवाचा मिळे एकदाच वा...

देह मानवाचा मिळे एकदाच
वाट अर्ध्यातच तोडता का ?

जगताना तुम्ही करा सत्य कर्म
आयुष्याचे मर्म आहे हेच ॥

हात मदतीचा द्यावा इतरांना
सत्याचा जमाना नका सोडू ॥

आनंदाचा तुम्ही करा शिडकावा
डोके शांत ठेवा नियमित ॥

दिवस आजचा आहे महत्त्वाचा
नाश कधी त्याचा नका करू ॥

आयुष्यात कधी आलीत संकटे
माघारी एकटे फ़िरू नका ॥

करू नका कधी माणुसकी वजा
तेव्हा खरी मजा मिळे तुम्हां ॥