अरे सेन्सॉर सेन्सॉर, जसा उभा दारावर
आधी करावा सलाम, तेव्हा मियते मोटर !
अरे सेन्सॉर सेन्सॉर, म्होटा कधी म्हणू नही
अरे उदाच्या काडीला, सोटा कधी म्हणू नही !
अरे सेन्सॉर सेन्सॉर, नाही सोचनंबिचनं
येड्या पायातली व्हान, म्हणू नको रे तोरन !
अरे सेन्सॉर सेन्सॉर, जसा कारल्याचा येल
एक खुळं म्हणं गोड, बाकी सार्याले अकाल !
अरे सेन्सॉर सेन्सॉर, ,म्हणू नको रे बहावा
त्याले नही पान-फूल, वाजि ’ होय बा ’चा पावा !
देखा सेन्सॉर सेन्सॉर, शेंग वरतून काटे
अरे वरतून काटे, मधी मठ्ठ सागरगोटे !
ऐखा सेन्सॉर सेन्सॉर, निर्हा पदाचा इचार
देते खोट्याले होकार अन् खर्याले नकार
देखा सेन्सॉर सेन्सॉर, म्हनं फिल्लम सुधार
आधी अक्कल उधार, त्यात पदाचा तेगार !
अरे सेन्सॉर सेन्सॉर, वरी मोठा जादुगार
याच्या पदाचा मालक; त्याच्यापुढी हे लाचार !
असा सेन्सॉर सेन्सॉर, आधी ’ देवाचा ’चा इचार
मर्जी माझी तू सांभाळ, तुवा मिळंल ’ मोकार ’ !
- बहिराभाई पायधरी