प्रकाश बनसोड - घाम बापाचा ससा शेतीत जिरत...

घाम बापाचा ससा शेतीत जिरतो
त्यामुळे वस्तीत या बाजार भरतो

कोरडा परतून जातो पावसाळा
पूर अश्रूंचाच या डोळ्यांत उरतो

अन्नदात्यावरच का ही वेळ येते ?
कर्ज मागायास दारोदार फिरतो !

गांजलेल्यांना कुठे जावे कळेना
घाव जो तो थेट पोटावरच करतो

का इथे या कष्टकर्त्या माणसाचा
गाय - बैलासारखा हा जन्म सरतो ?

प्रश्न हा इथल्या व्यवस्थेलाच आहे
बाप का माझा जहर घेऊन सरतो ?