ॐकार जोशी - मुद्दा विश्वासाचा झाला म्...

मुद्दा विश्वासाचा झाला
म्हणून मतभेदाचा झाला

निमित्त झाले स्वप्नांचे मग
सराव अंधाराचा झाला

मना! तुझा एकेक कोपरा
ज्याचा झाला; त्याचा झाला

तुला फायदा झाला नाही
‍(मला फायदा याचा झाला)

संधी प्रत्येकाला आली
वांधा एकेकाचा झाला

कधीच नव्हता झाला पूर्वी
इतका त्रास कुणाचा झाला?

आता विसरू झाले-गेले
हा भाग विनोदाचा झाला

सोड्वून पहू या आपण
गुंता कशाकशाचा झाला

जो तो समदुःखी भेटावा?
(दुःखाचाही साचा झाला)

चित्ताचा पारा उडल्यावर
मेंदू काचा काचा झाला