अरुण म्हात्रे - जसे स्वप्न वळते तसा चालतो...

जसे स्वप्न वळते तसा चालतो मी
जिथे प्रेम म्हणते तिथे थांबतो मी

कशाला हव्या या दहा पायवाटा ?
घड्याळात काटे तसा चालतो मी

घराला कळे का कधी भिंत त्याची ?
जशी मानचिन्हे ताअ राहतो मी !

नदी दूर तेथे...तृषा आणि येथे...
तहानेस माझ्या मला पाजतो मी !

कळे नाश माझा असे ज्याच हाती
अशा गोड हाती मला सोडतो मी !

तुला जीवना घोर माझा कशाला ?
तुझ्या काळजीने मला जाळतो मी !

किती टाळले पण निघे दूर कोणी...
रिकाम्या नभाची हवा वाटतो मी !

मला धाक आहे सुगंधी क्षणांचा
अबोला फुलांचा असा साहतो मी !